PDA

View Full Version : (((((((((((((((Bad Nigahi say parhaiz karo))))))))))))))))))))))))))



Sufiyan Shaikh
04-12-2011, 10:02 PM
Aa'oozobillahi Minash Shaitaanir Rajeem
Bismillahir Rehmanir Raheem
Sallallaho Ala Mohammadiyun Wa Aaalihi Wasallam


Aik naujawaan kisi Buzurg ki khidmat main haazir huwa aur kehnay laga k

Hazrat – aap farmatay hain k Bad Nigahi say parhaiz karo, par main naujawaan hoon bazaar say guzartay huwe meri nigah qaboo main nahen rehti – Kiya Karon?

Buzurg nay kaha – main yeh raaz samjhaonga magar shart yeh hay k pehlay mera aik kaam kardo

Us nay kaha main tayyar hoon to farmaya k falan Buzurg bazaar main rehtay hain, unko yeh doodh (milk) ka piyala (bowl) punhcha kar ajao

Us nay kaha puncha dayta hoon to Buzurg nay kaha aik aur baat bhe hay k doodh ko girnay mat dayna – unsay kaha fikar na karain – aik qatra bhe girnay nahen doonga – to Buzurg nay kaha achca theek hay agar aik qatra bhe neechay girgaya to phir aik banday ko saath bhejonga k jaisay he koyee qatra neechay gira to yeh banda tumhain wahen par aik thappar marega – unsay kaha manzoor hay

To buzurg nay doodh ko piyalay main laba lab bhara aur aik taqatwar insaan ko bhe us shakhs k saath kardiya – ab woh shakhs bari ahtiyaat k saath say chaltay huwe bachtay bachatay huwe bil aakhir apni manzil pay punhunch gaya aur phir khushi khushi wapas Buzurg k paas aya aur kehnay laga k Hazrat mainay who doodh ka piyala Buzurg tak punhcha diya ab aap mujhay nazar ki hifazat ka tariqa bataiye

Buzurg nay famraya k doodh to tum nay punchadiya magar yeh batao k aaj tum nay bazaar say guzartay huwe kitnay logon ko dekha to kehnay kaga k

IDHAR UDHAR DHIYAAN HE NAHEN THA

Kyun dhiyaan nahen tha – buzurg na sawaal kiya

Arz kiya – Hazrat – Dil main khoouf tha k agar piyala chalak gaya aur doodh ka aik qatra bhe neechay gir gaya to saath chalnay wala mujhay bharay bazaar main jootay lagayega aur meri ruswayee hogi

To Buzurg nay farmaya k

ALLAH WALON KA BHE YEHI HAAL HOTA HAY – WOH SAMAJHTAY HAIN K AGAR GUNAH K ZARIYE YEH DIL KA PIYALA CHALAK GAYA TO QIAMAT K DIN SAR E AAM RUSWAYEE HOGI – IS LIYE UNKI NIGAH IDHAR UDHAR NAHEN UTH’TI

rabz
04-12-2011, 11:46 PM
jazakallah

ayesha.ansari
04-13-2011, 03:33 PM
SBHANALLAH.. this is a pretiest story i ever read ... May ALLAH save us and save our sigh to look at others..