Tere hote janam liya hota

[farhan]

Tere hote janam liya hota
koi mujhsa na dosra hota

saans laita tou aur main ji utH-ta
kaash makkah ki mai fiza hota

hijratoN meiN paRRao hota mai
aur Tu kuch daer ko ruka hota

Tere hujre ke aas paas kaheen
mai koi kacha raasta hota!!!!!!

beech ta-if ba-waqt e sang-zani
Tere labb pe saji duaa hota

kisi ghazwa meiN zakhmi ho ke mai
Tere qadmoN meiN aa gira hota

kaash uhad meiN shareek ho sakta
aur baqi na pHir bacha hota

Teri pakeeza zindagi ka mai
koi gumnaam waqia hota

mai koi jangju arab hota
aur Tere saamne jHuka hota

paani hota udaas chashmoN ka
Tere qadmoN pe beh gaya hota

poda hota mai jalte sehra meiN
aur Tere haath se laga hota

paeR hota kHajoor ka mai koi
jisska pHall Tu ne kHaa liya hota

tukRa hota mai aik baadil ka
aur Tere saath gHoomta hota

aasmaaN hota ehd-e-Nabvi ka
Tujh ko hayret se dekHta hota

bacha hota ghareeb baywa ka
sarr Teri goad meiN chHupa hota

rasta hota Tere guzarne ka
aur Tera rasta dekHta hota

butt hi hota mai Khana kaa'ba meiN
jo Tere haath se fana hota

mai bhi hota Tera ghulaam koi
laakH kehta na mai rihaa hota

chob hota mai Teri chokHat ki
ya Tere haath ka asaa hota

khaak hota mai Teri galiyoN ki
aur Tere paaouN choomta hota

soot hota mai Teri chaadar ka
aur Tere shaanoN pe jHoolta hota

mujh ko Khaaliq banata ghaar ~hasan
aur mera naam bhi hira hota

Sal Allaho Alehi Wasallam

[Hassan1953]

Jazak Allah