Search Muslim Forum:

Recite Darood on LiveDarood.com
Results 1 to 2 of 2
Like Tree1Likes
  • 1 Post By umair25

Thread: Zindgae ka maqsad , purpsoe of life , allah nay insan ko kiun paida kiya

  1. #1
    Junior Member
    Join Date
    Jul 2011
    Location
    Karachi
    Posts
    3

    Default Zindgae ka maqsad , purpsoe of life , allah nay insan ko kiun paida kiya


    zindagi ka maqsad , purpose of life

    zindagi ka sab say bara maqsad kiya hona chaiyay , allah tala ko razi kerna , jannat may jana hay or dosakh say nijat hasil kerni hay , yay insan ki zindagi ka maqsad hona chaiyay , ab apni zindagi per nazar daliyay kiya hamaray amal aisay hay kay hum allah ko razi ker sakay , allah ko razi kerliya to automatically jannat ap ki muntazir hogee or dosakh say nijat mil jaye ge .

    Zindagi ka maqsad kiya hay , akhir allah tala nay hamay paida kiun kiya hay , kiya allah nay hamay is waja say paida kiya hay kay hum is duniya may ayashe karay , galiyan day , hamarai her bat ka aghaz gali say hota hay or hamari her bat ka ikhtitam gali per , hamare her bat lerki say start ho ker lerki per khatam hojate hay , hamari her bat ka aghaz jhoot or gheebat say start hota hay or usi per khatam ho jati hay, maa baap ko bura bhala kehna , her kisi ko bura kehna , badmsahi kerna , sharab peena , zina kerna , qatal kerna , her kisi kay liyay bura sochna , kisi ko khush dekh ker us say hasad kerna balkay us per jadoo tonay ker wakay us ki zindage kharab kerdayna , mobile cheenay kay chaker may kisi nojawan ko qatal kerdayna , kiya yahee sab or jo kuch aj kal ki hamari society may horaha hay , her woh bura kam jis say allah or us kay nabi or quran majeed or islam nay hamay kernay say roka hay , woh sab hum ker rahay hay , kiya allah nay hamay isi waja say paida kiya hay ya hamare zindagi ka maqsad kuch or hay , jo kay hamnay bhuladiya hay , her waqt shaitan kay bataye huway rastay per chaltay hay or her bura kam kertay hay or qabar ko bhoo gaye hay , apni mot ko bhool gaye hay , dosakh kay azab ko bhool gaye hay , allah or nabi ko bhool gaye hay , hum sab kehtay hay hum allah or us kay nabi say bohat pyar kertay hay kabhee apnay dil say poocho kiya waqai may hum allah or us kay nabi say bohat pyar kertay hay to phir jo hum is duniya may ker rahay hay or jo is society may her woh bura kam jis say allah or us kay nabi nay mana kiya woh kiun horaha hay , aj kal ka zama to yay hay kay agar koi shaks deen ki bat kerta hay or deen kay rastay per chalta hay to hum us ko is duniya ka sab say bara bewaqoof samajhtay hay or us ka mazak uratay hay , deen ki bat sun nay kay liyay hamaray pass time nahee hay or doosray kam kernay kay liyay hamaray pass bohat time hay , namaz perhnay kay liyay hamaray pass bilkul bhe time nahee hay .

    Allah nay hamay apni ibadat kay liyay bheja hay , allah nay hamay is duniya may is liyay bheja kay hum islam ki taleemat ko aam karay ,islami taleemat per amal karay , allah ki ibadat keray , nabi kay bataye huway rastay per chalay , nabi ki zindagi hamaray liyay namoona hay jis ko hamay follow kerna hay , jo kay hum nahee kertay hay .

    Zindagi aik dafa mili hay is ko enjoy kero . Bilkul sahee kaha enjoy kero likin limit may reh ker , limit kiya hay jo islam nay batai hay , kay kiya kerna hay or kiya nahee kerna , kis cheez say bachna hay or kiya cheez tumharay liyay halal hay or kiya cheez tumharay liyay haram hay . Yay jo hum boltay hay na kay enjoy kero yar zindagi aik dafa milte hay jo kerna hay kerlo , kabhee socha hay kay yay hum sahee boltay hay ya nahee ,angrez or non muslim agar yay bat karay zindagi aik dafa mili hay jo kerna hay kerlo , agar woh kahay to bat samajh may ate hay , kiun kay woh mernay kay bad doobara zinda honay per yaqeen nahee rakhtay hay,allah tala per iman nahee rakhtay hay , hazrat muhammad (s a w) ko allah ka akhree nabe nahee mantay hay , jannat or dosakh kay conecpt per yaqeen nahee rakhtay hay, qabar kay azab per yaqeen nahee rakhtay hay, mot kay bad doobara zinda honay per yaqeen nahee rakhtay hay , un ka in cheezo per iman hay he nahee , han agar woh zindage ko enjoy keray , her bura kam jis say allah nay roka hay woh karay to samajh ajatee hay bat kay un kay liyay to yahee duniya jannat hay jab kay musalman kay liyay yay jaga aik paper ki tarah hay jis ka result pass ya fail may say aye ga , pass hogaya to janat or fail hogaya to dosakh us ka intizar ker rahee hay , likin non muslims ko yay nahee pata woh nuqsan may hay , allah or islam per yaqeen na laker un ho nay ghatay ka soda kiya hay yane dosakh ka soda , un ko yay nahee pata kay musalman kay nazar may yay zindage arzi hay , un ko yay nahee pata hay kay musalman mertay nahee hay balkay musalmano ka intiqal hota hay , hum aik jaga say doosrie jaga muntaqil hojatay hay , or qayamat kay din hum sab doobara zinda hongay , or us kay bad hisab kitab hoga or us kay bad jo zindagee start hogee woh na khatam honay wali zindage hoge , or woh base kerte hay us zindagi per jo hum nay duniya may guzare , agar allah kay bataye huway rastay per guzaree , haram kam say bachtay rahay , gunah kay kam say bachtay rahay or naik amal or halal kam kertay rahay or halal khatay rahay to qayamat kay din khushkhabre milay ge jannat may janay ki werna non muslims ki tarah dosakh hamara intizar karay gee , likin musalman apnay gunah ki saza jahanum may kat ker jannat may aik din chalay jaye ga likin non muslim na khatam honay wali zindage jis per hamara iman hay jahanum may jaltay rahay gay , or jahanum kiya hay bohat bure jaga hay , jahan per sirf dard or taqleef ap ka intiza ker rahee hay .

    Aj kal ki nojawan nasal waisay to bohat islamic hote ja rahee hay , kiun kay tableeg ka kam bohat zor o shor say ja ree hay , tableeg ki bat sun ker hamaray zehan may yay bat ate hay kay , hum to musalman hay to yay tableeg walay hamaray pass kiun ajatay or hamay kiya samjhanay ki koshish ker rahay hotay hay , in ko chaiyay kay woh non muslim kay pass jaye or un ko islam ki dawat day , ap ki soch sahee hay , likin kabhee ap nay apni zindage per nazar doarai hay kay ap kiya ker rahay hay , ap apni zindage kis tarah guzar rahay hay , islam kay adab ka ap ko pata hay , quran or hadees may kiya likha huwa hay , kis tarah zindage guzarne hay , kis cheez say bachana hay , kiya halal hay kiya haram hay , zindage ka asal maqsad kiya hay , allah nay hamay kiun bheja hay is duniya may , kiya hum sirf is duniya may paisa kamanay , khana khananay , ganay sun nay , or apni man mani say zindage guzarnay kay liyay aye hay , nahee aisa her giz nahee hay , bat ho rahee the nojawan nasal ki kay woh bohat zada islamic hotay ja rahay hay , jaisa kay ap ko pata hoga kay jawani ki ibadat allah ko bohat pasand hay , jo shaks jawani may allah kay bataye huway usool per chalay to us kay liyay akhirat ki manzail bohat asan ho jatee hay , jahan nojawan nasal islam kay rastay per chal rahee hay waheen per bohat bare tadad un nojawano ki hay jo apni man chahat zindage guzar rahay hay , shaitan kay bataye huway rastay per chal rahay hay , gana sun na , galiyan dayna , badmashi kerna , sharab peena , nashay kerna , qatal kerna , zina kerna , lerki ko buray nazar say dekhna , dosto yaro kay sath ulte seedhe herkatain kerna , kisi ki izat na kerna , namaz na perhna , rozay na rakhna , zakat na dayna , sadqa na dayna , maa baap kay sath bad tameezi kerna , lerkiyo kay sath badtameezi kerna , lerkiyo ko bure nazar say dekhna , lerkiyo kay liyay dil may buray khayal lana , film dekhna , gandi or fehsh webite per tasveer or video dekhna , mobile chore kerna , dakay dalna , haram khana , doosro ko byuree nazar say dekhna , or woh yay sab kam kerkay apnay ap ko bohat acha samajhtay hayy , hum bohat baray badmash hay hum say poorie duniya kay log dertay hay or hum is duniya kay badshah hay kisi ki himat nahee hay hum say koi kuch kahay , agar koi un ko nasihat kernay ata hay to gussa hotay hay or us ko dhamki dayker or us ko pagal samajh ker kay us ka mazak ura ker us ko bhagadytay hay, woh kiya samajhtay hay is tarah ki zindage guzar ker kay kiya woh allah or us kay nabi ko razi kerlaingay , kiun un ko khof e khuda nahee raha , kiya woh doshakh kay azab say la ilm hay , kiya woh qabar kay azab say la ilm hay , kiya woh qayamat kay din allah kay samnay hazir hona hay or jo kuch duniya may kiya hay us ka hisab kitab dayna hay us say ghafil hay , kiya woh yay samajhtay hay kay is duniya say jab woh mar ker doosrie duiniya may jaingay or qayamat kay din uthaingay to allah un say yay nahee pochay ga kay zindage kis tarah guzare , kahan guzare , paisa kahan say kamaya or kis per kherch kiya , allah or nabi kay bataye huway rastay per chalay ya nahee , namaz ki pabandi say perhe ya nahee , rozay rakhay ya nahee , zakat di ya nahee , quran shareef perha ya nahee , quran seekha ya nahee , quran ki taleem seekhi ya nahee , quran kay bataye huway rastay per chalay ya nahee , quran ki taleemat ko agay pohanchaya ya nahee , halal khaya ya nahee , jin kamo say roka tha us say rukay ya nahee , buray kam say rukay ya nahee , maa baap ki izat ki ya nahee , buzargo ko aihtaram or chotyo per shafqat ki nahee , doosro ko un ka haq diya ya nahee , kisi say hasad ki ya nahee , kisi per jadoo tona to nahee kiya, kisi ka haq to nahee mara , kisi kay sath na insfi to nahee ki , nabi ki zindage hamaray liyay namoona hay , nabi nay jo zindage guzarnay kay tariqay bataya hay us per amal kiya ya apni man mani chalai , masla yay hay kay buray kam kernay may bohat lazat hay , bohat sukoon milta hay jo kay waqti hota hay , likin woh sukoon nahee hota hay , kiun kay sukoon to allah kay bataye huway rastay per chalnay say aye ga , gunah ki lazat kuch dair ki hote hay likin us kay bad us kay asrat bohat buray nikaltay hay , buray kam ko chornay may bohat masla hota hay or achay kam kerna may bohat masla hota hay , 3 ghantay ki gandi gandi film dekhnay may time ka pata he nahee chalta , likin namaz perhnay may , quran majeed ki tilawat kernay may , naik amal kernay may , zikar azkar kernay may , islamic email perhnay may , us ko perh ker agar bat dil ko lagay to doosro ko fowrwad kernay may , islam ki taleem daynay say kay doosray log bhee sahee rastay per ajaye bohat mushkil kam hota hay , hamara yay yaqeen hay kay ab koi nabi nahee aye ga , ab dawat islam ka kam hum musalman jo is duniya may mojood hay un hi ko kerna hay or apnay muslaman bhai or behno ko sahee rasaty ki taraf lanay ki koshish kerni hay or un ko taleem daynay hay kay apni man chahat zindage na guzaray allah kay bataye huway rastay per ajaye . Nojawan nasal ko kis cheez say bachna chaiyay, galiyan daynay say , bure batray kernay say , geebat kernay say , hasad kernay say , haram khanay say , zina kernay say , sharab peenay say , lerkiyo ko bure nazar say dekhnay say , lerkiyo kay liyay dil may gandi niyat rakhnay say , doosro ko haqeer samajhnay say , , gandi gandi film dekhnay say , her haram kam kernay say , qatal kernay say ,choree kernay say .

    Bat sirf itni si hay kay hamay allah nay apni ibadat kay liyay paida kiya hay , zindagi kis tarah guzarni hay quran majeed hamaray pass mojood hay , hazrat muhammad (s a w) ki poorie zindage hamare liyay aik namoona hay , jo jo quran may hay , hazrat muhammad (s a w) nay sab practically ker kay dikha diya hay , hamay un ki zindage ko follow kerna hay isi may kamyabe hay , mot ka kuch nahee pata zameen kha gae nojawan kaisay kaisay , mot yay nahee dekhtee kay marnay wala bacha hay ya jawan hay ya boorha hay , jab us ko ana hota hay hay to bagair bataye achanak ajate hay , agar kapray layna hoto kapray walay ka pass jana hota hay , computer layna ho to computer walay kay pass jana hota hay , biryani layni ho to biryani walay kay pass jana hota hay isi tarah say agar allah wala ban na hay or buray kam chornay hay to allah walo ko pass jana perhay ga or agar ap allah walay kay pass chalay gaye to ap ki zindage sanwar jaye ge werna ghaflat may zindage guzar jaye ge or agar usi halat may mer gaye to bohat bura anjam hoga hamara , allah say her waqt hidayat ki dua mangiyay kay aye allah mujhay hidayat day , mujhay naik rastay per chaladay or mujhay burai kay kam say rok lay , agar ap hidayat mangay gay allah say to allah ap ko hidayat zaroor daingay. Allah walay kay pass jana kiun zaroorie hay kiun kay jab tak hamay pata he nahee chalay ga kay zindage ka maqsad kiya hay , zindage kis tarah guzarne hay to kis tarah ap sahee rastay per chalo gay , namaz ki pabandi bohat zaroorie hay is say insan gunah say bachta hay , namaz ba jamat ada kernay ki her mumkin koshish kijyay , huqooq allal or huqooq ul ibad (allah kay banday kay haq) ko poora kijyay , quran majeed ki tilawat kijyay , dua kijyay apnay laiyay , apnay maa baap , behn bhai kay liya , apnay liyay or sab kay liyay hidayat ki dua mangaiyay , dua say insan ki taqdeer tak badal jatee hay , allah per bharosa rakhiyay , allah ki rassi ko mazbootie say tham ker rakhiyay , naik kam karay , burai say bachay in shal lah khatma iman per hoga ! Allah nay kaha hay kay achee bat doosro tak pehlao , agar insan duniya may kuch aisa kam ker kay chalay jaye jis say doosray insan ka faida hoto marnay walay insan ko us ka sawab milta rehta hay , isi tarah agar aik insan aisa kam ker kay merta hay jis ki waja say doosray log bhee buray kam may paray reh jatay hay us ko gunah us banday kay marnay kay bawajood us ko milta rehta hay , so burai ko rokiyay or us say bachay or naiki ko apnaiyay or us ko pehlaiyay . Quran majeed ki tilawt ko apni roz ki adat banalijyay , fajar or isha ki namaz khas tor per bajamay waqt per ada kijyay !

    Keep forwarding and sharing with others ! Jazak allah kahir !


    bint-e-anwar likes this.

  2. #2
    Super Moderator bint-e-anwar's Avatar
    Join Date
    Oct 2010
    Location
    pakistan
    Posts
    2,465

    Default

    brother nice effort and effective words. May Allah grant us all te right path and make us able to correct our mistakes and make our life style according to islam. Following Islam is the true success.

    ایک ھوں مسلم حرم کی پاسبانی کے لیے
    نیل کے سا حل سے لے کرتابخاکِ کاشغر

Visitors found this page by searching for:

http:www.123muslim.comislamic-articles18211-zindgae-ka-maqsad-purpsoe-life-allah-nay-insan-ko-kiun-paida-kiya.html

Din ki bate

din ki baate

din islam ki bate

zindagi ka maksad islam

deen ki baateinzindagi ka maqsadmuth marnay ka maksaddin ki baateinislami batyinsan ki takhleeq ka maqsadinsan ki takhleeq ka maksaddin islam ki baateindeen ki baatein urdumuth marnay ka maksad in urdumuth marnay ka gunahislam me zindagi ka maksadAllah ko razi kaise kiya jayeislam mn zndgi guzarne ka maksadjawani ki islamic bateindin islam ki baateislami bateislam ka maksadDeen ki baateinsaan ki takhleeq ka maksad
SEO Blog

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •