Search Muslim Forum:

Recite Darood on LiveDarood.com
Results 1 to 4 of 4

Thread: Soorah-e-baqra-286 (part 2)from Aayat No 21-40

  1. #1
    Junior Member
    Join Date
    Oct 2009
    Posts
    8

    Default Soorah-e-baqra-286 (part 2)from Aayat No 21-40

    21
    Lougo Apne Parwardigaar Ki Ibadat Karo Jis Ne Tum Ko Aur Tum Se Pehle Logoun Ko Paida Kia Taa-Aake Tum Us Ke Azab Se Bacho.
    22
    Jis Ne Tumhare Liye Zameen Ko Bichona Aur Asmaan Ko Chat(Roof) Banaya Aur Aasmaan Se Barish Barsa Kar Tumhare Khane Ke Liye Aanwa-O-Iqsaan(Different) Ke Maiwe(Dry Fruits) Paida Kiye Pas(Taa-Aake) Kisi Ko Khuda Ka Hamsar Na Banao.Aur Tum Jaante Toh Ho.
    23
    Aur Agar Tum Ko Is Kitaab Main , Joh Ham Ne Apne Bande (Muhammad )Par Nazil Farmayee Hai Kuch Shak Ho Toh Usi Tarha Ki Aik Soorah Tum Bhi Bana Laao Aur Khuda Ke Siwa Joh Tumhare Madadgaar Houn Un Ko Bhi Bula Lo Agar Tum Sache Ho.
    24
    Lekin Agar Aisa Na Kar Sako Aur Hargizz Nahi Kar Sako Ge Toh Us Aag Se Daro Jis Ka Eendhan Aadmi Aur Pathar Honge Aur Joh Kaafiron Ke Liye Taiyaar Ki Gai Hai.
    25
    Aur Joh Log Eemaan Laaye Aur Naik Amal Karte Rahe, Un Ko Khushkhabri Suna Do Ke Un Ke Liye (Naimat)Ke Baagh(Garden) Hain,Jin Ke Neechen Nehrain(Streams) Behh Rahi Hain,Jab Unhain Un Main Se Kisi Qissam Ka Maiwa(Dry Fruit)Khane Ko Dia Jaye Ga Toh Kahain Ge , Yeh Toh Who Hi Hai Joh Ham Ko Pehle Dia Gyaya Tha.Aur Un Ko Aik Doosre Ke Ham Shakal Maiwe Diye Jayen Ge Aur Wahan Un Ke Liye Paak Bibiyan(Wifes)Houn Gi Aur Woh Behshaton(Jannat)Main Hamesha Rahain Ge.
    26
    Khuda Is Baat Se Aar Nahi Karta Ke Machar Ya Us Se Barh Kar Kisi Cheez (For Example Makkhi Makri Etc) Ki Misaal Biyaan Farmaye, Joh Momin Hain , Woh Yakeen Karte Hain Woh Un Ke Parwardigaar Ki Taraf Se Sach Hai Aur Joh Kaafir Hain Woh Kehte Hain Ke Us Misaal Se Khuda Ki Muraad Hi Kia Hai.Us Se Khuda Bohot Se Logon Ko Gummrah Karta Hai Aur Bohoton(Many) Ko Hidayat Bakhashta Hai Aur Gummrah Bhi Karta Hai Toh Nafarmaanon Hi Ko.
    27
    Joh Khuda Ke Iqraar Ko Mazboot Karne Ke Baad Tor Dete Hain Aur Jis Cheez (Means Rishta-E-Qurabat)Ke Jore Rakhne Ka Khuda Ne Hukum Dia Hai Us Ko Qitta(Saperate) Kiye Daalte Hain Aur Zameen Main Kharabi Karte Hain Yeh Hi Loug Nuksaan Uthane Wale Hain.
    28
    Kaafro,Tum Khuda Se Kion Kar Munkirr(Inkar) Ho Sakte Ho,Jis Haal Main Ke Tum Be Jaan The Toh Us Ne Tum Ko Jaan Bakhshi Phir Wohi Tum Ko Maarta Hai Phir Woh Hi Tum Ko Zinda Kare Ga Phir Tum Usi Ki Taraf Lout Kar Jaao Ge.
    29
    Woh Hi Toh Hai Jis Ne Sab Cheezain Joh Zameen Main Hain Tumhare Liye Paida Ki Phir Aasmaanon Ki Taraf Mutwajoh (Attention)Hua Toh Un Ko Theek Saat Aasmaan Bana Dia Aur Woh Har Cheez Se Khabar Daar Hai.
    30
    Aur Who Waqt Yaad Karne Ke Qaabil Hai Jab Tumhare Parwardigaar Ne Farishtoun Se Farmaya Ke Main Zameen Main Apna Naaib(Messenger) Banane Wala Hoon ,Unhon Ne Kaha Kia Tu Us Main Aise Shakhs Ko Naaib Banana Chahata Hai Joh Kharabiyan Kare Aur Kusht-O-Khoon Karta Phire Aur Ham Teri Taaareef Ke Sath Tasbeeh-O-Taqdees Karte Rahte Hain.Khuda Ne Farmaya Main Woh Baatain Jaanta Hoon Joh Tum Nahi Jaante.
    31
    Aur Us Ne Aadam Ko Sab Cheezon Ke Naam Sikhaye Phir Un Ko Farishton Ke Saamne Kia Aur Farmaya Ke Agar Tum Sache Ho Toh Mujhe Un Ke Naam Bataow.
    32
    Unhon Ne Kaha , Tu Paak Hai.Jitna Ilm Tu Ne Hamain Bakhsaha Hai, Us Ke Siwa Hamain Kuch Maloom Nahi ,Behsak Tu Daana Aur Hikmat Wala Hai.
    33
    Tab Khuda Ne Aadam Ko Hukum Dia Ke Aadam Tu Un Ko Un Cheezon Ke Naam Bataow ,Jab Unhon Ne Un Ko Naam Bataye Toh Farmaya Kion Main Ne Tum Se Nahi Kaha Tha Ke Main Aasmaanon Aur Zameen Ki Sab Poshida(Hidden) Baatain Jaanta Hoon Aur Joh Tum Zaahir Karte Ho Aur Joh Poshida(Hidden) Karte Ho Sab Mujhe Ko Maloom Hai.
    34
    Aur Joh Ham Ne Farishton Ko Hukum Dia Ke Aadam Ke Aage Sajda Karo Toh Woh Sab Sajde Main Girr Pare Magar Shaitan Ne Inkaar Kia Aur Garoor Main Aakar Kafir Ban Gaya.
    35
    Aur Ham Ne Kaha Ke Ae Aadam Tum Aur Tumhari Biwi Behshat(Jannat-Heaven)Main Raho Aur Jahan Se Chaho Be Rok Touk Khao Piyo Lekin Us Darakht Ke Paas Na Jaana ,Nahi Toh Zaalimon Main Daakhil Ho Jao Ge.
    36
    Phir Shaitaan Ne Dono Ko Wahan Se Phusla Dia Aur Jis Aish-O-Nishaat Mein The, Us Se Un Ko Nikawla Dia. Tab Ham Ne Hukum Dia Ke Behshat Bareen Se Chale Jaao ,Tum Aik Doosre Ke Dushman Ho,Aur Tumhare Liye Zameen Main Aik Waqt Tak Thikana(Place) Aur Moaash(Salary)Muqararr Kar Dia Gayi Hai.
    37
    Phir Aadam Ne Apne Parwardigaar Se Kuch Kalmaat Seekhe Aur Maafi Maangi Toh Us Ne Un Ka Qasoor Maaf Kar Dia ,Beshak Who Maaf Karne Wala Aur Saahib-E-Rehem Hai
    38
    Ham Ne Farmaya Ke Tum Sab Yahan Se Utar Jao Jab Tumhare Paas Meri Taraf Se Hidayat Pohonche Toh Us Ki Pairwi(Follow)Karo, Ke Jinhon Ne Meri Hidayat Ki Pairwi Ki Un Ko Na Kuch Khof Hoga Aur Na Woh Gamnaak Hone Ge.
    39
    Aur Jinhon Ne Us Ko Qabool Na Kia Aur Hamari Aayaton Ko Jhutlaya ,Woh Dozakh Main Jaane Wale Hain,Aur Woh Hamesha Us Main Rahain Ge.
    40
    Ae Aal-E-Yaqoob(Yaqoob Family)Mere Woh Ehsan Yaad Karo Joh Main Ne Tum Par Kiye The Aur Us Iqraar Ko Poora Karo Joh Tum Ne Mujhe Se Kia Tha.Main Is Iqraat Ko Poora Karoonga Joh Main Ne Tum Se Kia Tha Aur Mujh Hi Se Darte Raho.

  2. #2
    Administrator Naqshbandi's Avatar
    Join Date
    Feb 2009
    Location
    Pakistan
    Posts
    13,606

    Default

    JazakALLAH
    Hadrat Anas Radi ALLAH Taala Anhu reported that the Messenger of Allah Peace And Blessings Be Upon Him has said, “Everything has a heart, and the heart of the Qur’an is Yasin. Allah records anyone who recites Yasin as having recited the Qur’an ten times.”
    [Sunan Tirmidhi, Vol 2, Page 116 - Sunan Daarimi, Vol 2, Page 336]

  3. #3
    Regular Members
    Join Date
    Sep 2009
    Age
    53
    Posts
    140

    Default

    alaikum wa rahmatullahi wa barakatuhu

    Will only a Muslim enter Paradise.....................

  4. #4
    Administrator _knownothing_'s Avatar
    Join Date
    Jun 2008
    Location
    currently on earth
    Posts
    25,932

    Default

    ^walikumsalaam

    thanks for sharing them
    میں نےجو کیا وہ برا کیا،میں نے خود کو خود ہی تباہ کیا

    جو تجھے پسند ہو میرے رب،مجھے اس ادا کی تلاش ہے

    http://www.123muslim.com/discussion-...d-arround.html

Similar Threads

  1. Beautiful,,,,,Quranic Aayat
    By clickwaris in forum Quran
    Replies: 1
    Last Post: 10-13-2011, 07:49 AM
  2. Aayat-Ul-Kursi ki Fazeelat
    By jahid89 in forum Quran
    Replies: 5
    Last Post: 03-09-2010, 01:45 PM
  3. Al Baqra
    By Naqshbandi in forum Quran
    Replies: 3
    Last Post: 01-07-2010, 10:35 AM
  4. Surah Baqra Ki Fazilat
    By AHB in forum Quran
    Replies: 1
    Last Post: 11-13-2009, 03:50 PM
  5. Soorah-e-baqra-aayat-286 (part 1)
    By ruby in forum Quran
    Replies: 2
    Last Post: 10-19-2009, 04:46 PM

Visitors found this page by searching for:

khuda ka hukum farishton ko

ayah of quran stating that wo jab chahe aasman se mein barsa de

beshak main tumhari tarha nahi hon

SEO Blog

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •